sábado, 30 de decembro de 2017

FIN DE TRIMESTRE

Velaquí as derradeiras actividades conxuntas na biblioteca do primeiro trimestre.

Empezamos coa visita do Carteiro Real, grazas á mediación do concello de Arteixo. Un carteiro encantador que falou cos nenos e coas nenas sobre as súas ilusións para Nadal.



carterioreal17

O derradeiro día do trimestre tivemos a visita da Contacontos Erica González "Trastupita" que nos engaiolou durante case unha hora con diversos contos e unha canción con letra de Gloria Fuertes. O pasamos fenomenal e as nenas e os nenos portáronse de dez.



Contacontos.Erica.Nadal17

E por último queremos compartir con vos este diploma e carta que nos envían dende a Real Academia Galega en recoñecemento ás actividades realizadas no centro co gallo do día das Letras Galegas 2017. Fíxonos moítisima ilusión recibilo. 


luns, 18 de decembro de 2017

SUXERENCIAS DENDE BIBLIORRODÍS



Coma todos os anos fixemos unha selección de novidades variada, despois de andar de visita por varias librerías da comarca. Escollemos seis álbums ilustrados de máis sinxelos como o Os Wombis, Corvo ou Marcelina en la cocina aos máis complexos como Martín Gris e O oso e o piano. Apuntamos tres libros de perfil informativo:  Atópame no mar, moi sinxelo e con lapelas para mover, Os bombeiros en acción, tamén con partes movibles e O corpo humano éste último xa máis arredor dos cinco anos. Suxerimos tres propostas musicais, Eu cociño, ti cociñas?, Radio Bulebule, Camiños, das que podedes atopar exemplos na web para facervos unha idea. Para rematar temos un libro con sons: Paco y Mozart, outro con pictogramas: La princesa aprende a hablar e unha proposta para traballar na casa a relaxación a través do ioga con nenos: Bo día, acougo.  Por suposto hai moitas mais, e varias das propostas se enmarcan en grupos de varios títulos non vinculantes entre sí.

Recordarvos a importancia de lerlles aos nenos e as nenas para mellorar a súa competencia lingüística oral e preparalos para a escrita, sempre nun entorno relaxado. Cada persoa terá as súas preferencias en temática e enfoque.

Para rematar lembrade que as bibliotecas públicas de Arteixo están abertas durante as festas e vos ofrecen moitos materiais (libros, discos, películas…) para que levedes para casa de balde.



domingo, 3 de decembro de 2017

DÍA DA IGUALDADE DE XÉNERO


O día 25 de novembro está marcado no calendario escolar para falar sobre a non violencia de xénero.  Nós, dada a idade das nosas alumnas e alumnos, escollemos falar sobre a igualdade. As actividades a realizar xa as tiñamos pensadas antes de empezar o curso. Solicitamos unha subvención ao Centro de Información de Mulleres do Concello para mercar materiais para a mesma que nos foi concedida. Planeamos por unha banda unha actuación co alumnado e por outra unha conxunta do profesorado e as familias.
Para o alumnado pensamos tres obradoiros. Mesturamos as nenas e os nenos en 3 grupos de diferentes idades (organizados por pulseiras de diferente cor) para que rotaran por obradoiros  relacionados coas tarefas do fogar. Un foi sobre cociña, outro sobre as roupas e o un de biblioteca, no que escoitaron o conto “O libro dos porcos” de Anthony Browne, para logo pensar e conversar sobre o seu contido. Finalmente elaboraron unha sinxela ficha.


igualdad17

O obradoiro para familias e profesorado realizouse o pasado martes. Raquel, a especialista que dirixiu a actividade, fixo unha exposición sobre os sesgos sexistas da sociedade e conversamos sobre as preocupacións relativas aos xoguetes e moitos outros temas como vestimentas, adornos, etc. Agradecemos moito o esforzo de pais e nais de acudir e participar activamente neste evento.




domingo, 26 de novembro de 2017

MÚSICA CON PRESTO VIVACE

A música é unha das linguaxes que axudan a estimular as conexións neuronais. Cando seleccionamos as actividades complementarias ao inicio do curso tentamos sempre introducir algunha musical. o pasado mércores, día de Santa Icía (Cecilia), día da música,  tivemos a visita de tres profesoras da escola coruñesa Presto Vivace, que nos deron un obradoiro de estimulación musical, onde traballaron as cualidades do son con diferentes propostas que combinaron o uso da voz, do corpo e dos instrumentos musicais. Esta estupenda actividade foi financiada polo Concello de Arteixo. Vos deixamos fotos onde podedes ver a participación e o bo ambiente xerado cos nenos e as nenas da escola.

martes, 14 de novembro de 2017

SAMAÍN NA ESCOLA

O pasado 31 de outubro celebramos o Samaín, a festa do fin da colleita, do inicio do inverno celta, o momento no que o mundo dos mortos e o dos vivos están mais preto. Aínda que hoxe en día estamos moi influenciados polo Halloween norteamericano (de orixe irlandés, céltico) se preguntamos aos nosos maiores contarannos moitas historias de baleirar cabazas na súa infancia, por non falar das tradicións relacionadas coa santa compaña e o os mortos. Claro está que aos pequenos e pequenas da nosa escola non lles vamos a falar diso, pero si quedarnos coa parte máis festiva.  Agradecemos moito a implicación das familias na elaboración das cabazas que tan fermosas luciron na entrada. Vos deixamos unhas imaxes da xuntanza de celebración na biblioteca.

Click to play this Smilebox slideshow
Create your own slideshow - Powered by Smilebox
This slideshow design generated with Smilebox

domingo, 29 de outubro de 2017

DÍA DA BIBLIOTECA

Xa iniciado o curso e cos servizos funcionando, esta semana estivemos celebrando o día da biblioteca incidindo na formación de usuarios.  Os alumnos e alumnas dos grupos de 4 e de 5 anos acudiron a biblioteca para elaborar un tarxetón que lles permite acceso aos estantes  xerais onde están os fondos organizados.
En todas as aulas hai mobles con acceso libre onde poden coller e deixar os libros a vontade. Estes estantes conteñen unha selección de fondos realizada polas mestras e renovada con periodicidade. 
Para os estantes principais da biblioteca empregamos uns tarxetóns. Estes días falamos da importancia de manter os libros ordenados (que pasa si buscamos un libro e non está no seu sitio) e a razón de que leven etiquetas de distinta cor e debuxo. Preparamos eses tarxetóns  posando para a foto, despois pegándoa, escribindo o nome e decorándoa. Con este instrumento  (baixo control das mestras) cada nena e neno poderá escoller calquera libro que desexe colocando a tarxeta coa súa foto ao lado do libro que lle interesa e volvendo a colocalo no seu lugar antes de mover a tarxeta para coller outro co mesmo procedemento.






venres, 23 de xuño de 2017

LECTURAS PARA O VERÁN



Chegan as vacacións e creemos que é o tempo perfecto para compartir lecturas na casa, no parque, na praia, nas bibliotecas municipais… Sabemos da importancia de introducir aos nenos e ás nenas acompañándoos no mundo das letras (pero sobre todo da linguaxe oral) de xeito lúdico, en pequenas doses, con ficcións interesantes,  libros sobre temas atractivos para estas idades (animais, transportes, o noso corpo…) e moitas, variadas e fermosas ilustracións ou fotografías. Amosámosvos aquí algunhas propostas para o lecer do verán.  
Escollimos textos recentes, algúns sinxelos para os máis pequenos coma  Polo camiño ou ¡Puedo Rugir!   e outros máis complexos coma Elisa no mundo das maravillas. Tamén introducimos algúns contos clásicos, libros informativos e con música.
Como sempre lembrarvos que en Arteixo temos varias  bibliotecas públicas que abren no verán e alí atoparedes centos de propostas para elixir e aos bibliotecarios dispostos a orientarvos se o precisades.
Bo verán!



mércores, 21 de xuño de 2017

OS AVÓS CONTAN MOITO

O  pasado luns tivemos a derradeira visita do curso. Os avós da Asociación A Baiuca, en colaboración co Concello,  viñeron a contarnos un conto. A obra foi “A forza da Gacela” da escritora Camen Vázquez-Vigo.  A continuación agasalláronnos cuns globos de cores que nos entusiasmaron.

Click to play this Smilebox slideshow
Create your own slideshow - Powered by Smilebox
This slideshow generated with Smilebox

venres, 16 de xuño de 2017

TEATRO E MÚSICA DENDE O CEIP DE GALÁN


Onte tivemos o pracer de recibir na escola a un grupo de nenos e nenas do CEIP de Galán. Presenciamos un espectáculo composto polas obras de teatro:  A galiña Azul”, “Lolo anda en bicicleta”, e “A consulta”. Tamén aplaudimos ás pandereteiras do grupo de extraescolares do colexio que nos animaron con varias pezas. Coma sempre, para as mestras, é un momento de alegría  ver ós antigos alumnos e ás antigas alumnas crecendo axeitadamente. Gracias as compañeiras mestras de Galán e a Armando Herrero pola visita!


sábado, 20 de maio de 2017

A GALIÑA AZUL

Como remate da semana das Letras e as artes galegas fixemos unha xuntanza para ver e escoitar o conto “A galiña azul” de Carlos Casares.  Primeiro xuntámonos  en Bibliorrodís para ver na pantalla unha adaptación do conto feita pola mestra Concepción Arias e os seus alumnos do CEIP Monte Caxado de As Pontes e a continuación o conto musicado por Susa Herrera  con debuxos e voz de alumnado de Primaria do CEIP  de Armenteira.
Despois mesturámonos para realizar un mural entre todos da Galiña Azul. Rematamos bailando e cantando en galego!
Tedes mais fotos no blog dos pequechos.


Click to play this Smilebox slideshow
Create your own slideshow - Powered by Smilebox
This free slideshow created with Smilebox

xoves, 18 de maio de 2017

DÍA INTERNACIONAL DOS MUSEOS


Hoxe é o día dos internacional dos museos e nós tiñamos unha cita no Museo de Belas Artes de A Coruña. Cos nenos e as nenas moi motivados por ver cadros fixemos un percorrido por algunhas obras senlleiras. Estivemos acompañados por unha guía do museo e por unha monitora do concello de Arteixo, Lucía. Para rematar a visita coloreamos unha copia dun cadro de Luis Seoane.











mércores, 17 de maio de 2017

CARLOS CASARES, UNHA VIDA ARREDOR DAS LETRAS GALEGAS

  
Hoxe festexamos a lingua galega e lembramos a unha persoa boa e xenerosa. Carlos Casares viviu arredor da lingua, dende moitos ángulos. Din os que o coñeceron que era un grandísimo conversador, ademais dun grande escritor. Casares participou do primeiro parlamento autonómico nun momento en que a política era ilusión, esperanza e certeza dunha vida mellor. Alí traballou en equipo para elaborar a lei de Normalización Lingüística e crear o Consello da Cultura Galega.  Tivo unha columna de opinión en galego no xornal  “La Voz de Galicia” durante anos. Como difusor doutros autores chegou a ser director da Editorial Galaxia e da Revista Grial. Traballou como docente ata o fin dos seus días en diversos centros. Casares foi moi consciente da importancia de ter aos nenos e as nenas en contacto coa lingua escrita en galego e para eles escribiu varios libros que son os que nos destacamos na exposición que temos a entrada da escola. Tamén veredes expostos os carteis creados polo alumnado do Ceip Anxo da Garda.



Estes días nas aulas estamos a facer algunhas cousiñas relacionadas coas letras e con Casares adaptadas as idades do noso alumnado. O venres faremos unha actividade conxunta na biblioteca como peche da semana.


Como todos os anos estamos moi agradecidas ao Seminario Galán e ao seu director Armando Herrero por facernos partícipes do seu traballo, referente para todo o ensino de Galicia e para todo o que queira saber máis sobre as Letras Galegas.


http://seminariogalan.org/inicio/portada/actividades/


Si queredes máis información aqui vos deixamos algunhas páxinas de interese

http://primaveradasletras.gal/

http://fundacioncarloscasares.org/

http://academia.gal/inicio




Moi bo día a todos e a todas

sábado, 13 de maio de 2017

MENSAXEIROS SOLIDARIOS

En Bibliorrodís desenvolveuse este xoves unha actividade organizada polo Concello de Arteixo dentro da campaña de sensibilización da Axencia de Doazón de Órganos e Sangue (ADOS). A campaña denominada “Mensaxeiros solidarios” consiste na distribución de información relacionada coa doazón de sangue.
Os nenos e as nenas tiveron información lúdica e sinxela sobre o tema, a través do libro “ Papá Bolechas doa sangue” cunha parte na que se representaba o proceso de doazón. Cada escolar levou para casa un libriño e unha folla informativa para as familias.
Sen dúbida animamos a todos os familiares maiores de 18 anos á doazón de sangue.


Click to play this Smilebox slideshow
Create your own slideshow - Powered by Smilebox
Customize a slideshow design

domingo, 30 de abril de 2017

CELEBRACIÓN DO LIBRO




















Festexamos o pasado venres o día do libro cun festival ao que convidamos ás familias. Nesta xuntanza pretendíamos reflectir parte do traballo que as nenas e os nenos da escola veñen de realizar durante o curso e especialmente durante este mes de abril. Recitaron poemas, cantaron cancións e dramatizaron un conto. Reforzaron a comprensión oral, ampliaron vocabulario e melloraron a expresión oral a partir de textos escritos que saíron principalmente da biblioteca escolar. Ademais o pasaron moi ben e creemos que as familias tamén.

Velaquí o programa e algúns dos materiais aos que facemos referencia.





Aquí  tedes unha selección de fotos do evento, así como dous  pequenos vídeos.




Click to play this Smilebox slideshow
Create your own slideshow - Powered by Smilebox
Picture slideshow made with Smilebox


Click to play this Smilebox slideshow
Create your own slideshow - Powered by Smilebox
This free digital slideshow created with Smilebox

sábado, 29 de abril de 2017

VISITAMOS A BIBLIOTECA MUNICIPAL

O pasado xoves viaxamos en autobús ate a biblioteca municipal de Froxel  en dous grupos. Os primeiros foron os nenos e as nenas das aulas 3 e 4 e na segunda sesión asistiu o grupo da aula 5.  Acompañounos Eusebio, un dos bibliotecarios do Concello, e asistimos a unha sesión de contacontos a cargo de Nacho Martínez. A Nacho xa o coñecíamos dos seus traballos no Teatro del Andamio e soubemos inmediatamente que a sesión ía ser un éxito. 
O primeiro conto o fixo coas mans  invitando aos nenos e nenas a acompañalo, un conto da sua nenez sobre dous amigos  que non se dan atopado. A continuación colleu a guitarra para contarnos e cantarnos o xa clásico “Vamos a cazar un oso”  de Michael Rosen e por último contou con sombreiros a non menos coñecida historia de “A Toupiña que quería saber quen lle fixera aquilo na cabeza” de Werner Holzwarth. 




Presentámosvos fotos do primeiro grupo, nelas veredes que Nacho nos tiña engaiolados.
Agradecemos ó servizo de Biblioteca do Concello a súa invitación e animamosvos a seguir a programación de actividades para nenos e nenas das bibliotecas municipais.


venres, 7 de abril de 2017

VISITA AO PORTO

Onte subimos ao autobús para visitar o Porto de A Coruña.  Moi excitados chegamos ao porto onde nos esperaba María para levarnos de paseo polas instalacións. Con ela e con Fernando estivemos a ver diversas especies de animais mariños preparados para saír cara supermercados, restaurantes, pescarías … Puidemos observar as diferenzas e similitudes das especies e tamén moitos nos quedamos cos carteis nos que se avisa dos tamaños mínimos de algunhas delas.
Os días previos á saída preparámonos nas aulas falando do que iríamos ver. Entre outras cousas saíron da biblioteca libros coma estes:





Velaquí algunhas imaxes da saída


Click to play this Smilebox slideshow
Create your own slideshow - Powered by Smilebox
This photo slideshow created with Smilebox

domingo, 2 de abril de 2017

OBRADOIROS E VALORES

Nestas últimas semanas tivemos na escola obradoiros diversos en colaboración con axentes externos.

Primeiro todos xuntos en Bibliorrodis  recibimos a Selma e a Lucía, nun obradoiro financiado polo Departamento de Educación do Concello de Arteixo,  dispostas a ensinarnos como separar o lixo para mellorar a calidade da nosa relación co entorno. Comezaron contandonos unha historia con monicreques e logo nos propuxeron  seleccionar os refugallos. Finalmente realizamos pequenas obras plásticas a partires dos materiais de refugallo.






Na semana seguinte contamos con Vicky e Bea de parte do Consorcio das Mariñas para recapitular sobre o tema da selección do lixo e realizamos un obradoiro de reciclaxe caseiro do papel. Neste caso fixémolo por grupos na aula de apoio.






Esta semana pasada volvemos a xuntarnos todos na biblioteca escolar con Nora e Ana, do departamento de Inmigración do Concello de Arteixo. Amosaronnos un fermoso conto sobre un patiño branco e a fixeron Maxia! Nesta ocasión o obxectivo era sensibilizarnos en inclusión e o respecto polas diferenzas.