venres, 23 de decembro de 2016

SOLEDAD FELLOZA EN BIBLIORRODÌS

O mércores pechamos trimestre cunha grande celebración. Tivemos na nosa biblioteca a marabillosa contadora de contos Soledad Felloza, autora do premiado libro “A cociñeira do Rei” publicado pola editorial OQO. Soledad contounos historias propias e doutros autores (Eric Carle, Nathalie Dargent…) Os nenos participaron activamente na sesión e gozaron moitísimo, como apreciaredes nas imaxes. Soledad fíxonos ao final un grande agasallo: entregounos un exemplar do seu libro dedicado e asinado!!




soledadfellozadic16 - Kizoa Editar Videos - Movie Maker


Outras actividades da escola na xornada foron a visita do Carteiro Real e unha merenda conxunta. Agradecemos ao concello de Arteixo que fixo posible a visita do Carteiro e que colaborou na de Soledad Felloza.




Que pasedes unhas boas festas de Nadal!!!!


xoves, 22 de decembro de 2016

CONFERENCIA DO DOUTOR JOSÉ D. MOURE


O martes pasado recibimos en Bibliorrodís a visita do Doutor José D. Moure, da Unidade de Alerxia e Neumoloxía Pediátrica do Hospital Clínico Universitario de Santiago. O Doutor Moure impartiu unha interesantísima conferencia-coloquio para familias e docentes sobre a “Anafilaxia en el niño”. Este é un tema de plena actualidade na nosa escola ao ter un caso de alerxia alimentaria grave.
Na exposición e no posterior coloquio aclaráronse moitas dúbidas sobre as diferenzas entre alerxia e intolerancia, diversos tipos de alerxias e como actuar en caso de anafilaxia.
A organización desta charla debémoslla fundamentalmente á ANPA “O Loureiro”, en colaboración coa escola e coa axuda do concello que puxo unha monitora para atender aos nenos e as nenas.
A charla do Doutor Moure resultou moi didáctica, instrutiva e amena. Tivemos a ocasión de practicar a administración da adrenalina, única solución no caso de anafilaxia. Tamén nos entregou diversos materiais relacionados. A asistencia foi notable para unha escola das nosas características e participou activamente con preguntas moi axeitadas.
Grazas e parabéns á directiva da ANPA por esta valiosa iniciativa. 



mércores, 21 de decembro de 2016

IDEAS DE AGASALLOS DENDE A BIBLIOTECA

Vos facemos unha proposta de agasallos de libros para estas datas. Son títulos de actualidade que podedes atopar nas librerías. Son as nosas recomendacións pero hai moitísima oferta moi interesante. O mellor é achegarse ao comercio e botar unha ollada.
Vos lembramos sempre a posibilidade de visitar as bibliotecas municipais de Arteixo, abertas durante as vacacións, que vos permiten pasar un rato vendo centos de títulos axeitados para todos e tamén levar algún por uns días para casa.



domingo, 18 de decembro de 2016

TALLERES DE ARTE

Vos imos amosar un exemplo de uso dos materiais da biblioteca mais aló dos contos e relacionada co tema das bibliotecas escolares de Galicia deste curso: “Bibliotecas escolares, Territorio das Artes”

Unha  das actividades centrais na aula de apoio durante o este primeiro trimestre tomou como eixe  o libro “DIVIÉRTETE, Talleres de Arte con Hervé Tullet” da ed.Phaidon.


Hervé Tullet é un artista e ilustrador francés  coñecido internacionalmente,  con varios títulos de literatura infantil publicados en España polas editoriais Kókinos e Phaidon.  As súas obras son orixinais e estimulan a creatividade nos máis pequenos incluíndo textos que incitan a reflexionar. 

Durante as sesións empregamos a  música clásica recompilada en “Introducción a la música de concierto Las aves”  da ed, Océano Travesía que nos axudou a inspirarnos na nosa obra.

Os nenos e nenas de 3 anos pintaron con témpera empregando as cores do outono. Empregamos contagotas para practicar a prensión facendo “pinza”.
Os nenos e nenas de 4 anos traballaron  cooperativamente con témpera de cores vermello, azul e amarelo. 
Os nenos e nenas de 5 anos elaboraron as obras en conxunto, de modo que todos foron cambiando de sitio para pintar en tódolos debuxos, traballo cooperativo en témpera de cores vermello,  verde e amarelo. Cada cor ía acompañada dunha consigna a seguir: con amarelo raias curvas, con vermello raias rectas, con verde círculos. Deixamos secar e pegamos figuras xeométricas, pegatinas e papeis diversos. 

Quedaron encantados de coñecer esta obra de Hervé Tullet.





martes, 6 de decembro de 2016

TEMPO DE LECER, TEMPO DE LER


Estamos nas portas do Nadal, pero aínda no outono. Este ano o tempo atmosférico tan espléndido nos permite gozar do espectáculo das follas de cores. Na entrada da escola temos unha pequena exposición para ambientar a tempada, salientando o emprego dos libros no tempo de lecer. Practicando co exemplo estamos a levar ao patio a nosa bibliomóbil con grande aceptación como veredes nas imaxes.








domingo, 27 de novembro de 2016

UN MUNDO LARANXA


A escola súmase á campaña promovida polo Secretario Xeral da Organización das Nacións Unidas “Únete para poñer fin á violencia contra as mulleres e nenas”. Esta campaña dura dende o propio día, 25 de novembro,  ata o  10 de decembro, día  dos Dereitos Humanos. A violencia contra ás mulleres non só afecta ás propias vítimas senón tamén aos seus seres queridos: fillos, fillas, pais, nais, irmáns, irmás....


Nas aulas e na biblioteca léronse contos  axeitados á idade dos nosos alumnos e alumnas de temática relacionada coa igualdade de xénero (“O país dos Mandóns”, “Rosa Caramelo”,”A voda do galo Pinto”) sobre os que fixemos algunhas reflexións e se realizaron actividades plásticas que logo colocamos na entrada da escola. Vos animamos a visitar os outros blogs da escola para ver os procesos.


A ONU é moi consciente de que a violencia en xeral e a desigualdade de trato de xénero en particular son  problemas mundiais, pero tamén de que as culturas máis desenvolvidas son aquelas nas que as mulleres teñen posicións máis igualitarias.
A ONU ten en marcha outra iniciativa relacionada co trato ás mulleres e ás nenas chamada HeForShe, na que se busca involucrar aos homes e aos nenos na defensa da igualdade de xénero. 


Vos animamos a todos e a todas a ver as guías e recursos para promover a igualdade para homes e mulleres na seguinte páxina web:





domingo, 6 de novembro de 2016

SAMAÍN 2016



Algunhas veces nos preguntan porqué lle damos tanta importancia á biblioteca escolar en infantil  se os nenos e as nenas  non son quen de ler (…outros nos preguntan porqué os nenos e nenas non aprenden a ler ós tres anos…).   O caso é que aprendemos a ler cando temos as condicións neurolóxicas precisas e temos unhas aprendizaxes previas adquiridas, e non todos o facemos ao mesmo tempo.  A motivación é moi importante, por iso  a nosa escola pon esforzo en familiarizar ao noso alumnado coa lingua escrita en forma de libros, manexándoos, escoitándoos, e animándovos a implicarvos familiarmente porque sabemos que iso é bo para todos. Sempre sen forzar,  dun xeito relaxado, paciente  e positivo,  empregando libros  sinxelos  e coloridos, coma os que vos enviamos no préstamo domiciliario.  



Partimos sempre da lingua oral. Si a oral falla, a escrita non irá moito mellor. Esa é unha das razóns polas que cada certo tempo facemos pequenos “festivais” onde recitamos, cantamos ou dramatizamos textos  (poesías, cancións, contos…).  O Samaín é unha excelente ocasión para facelo e a todos nos gusta moito.  Por razóns de espazo empregamos a sala de usos múltiples.  Desta vez, ademais das representacións pasamos un rato en bibliorrodís vendo e escoitando tres vídeos breves de temática relacionada coa festividade. Primeiro un en inglés relacionado coa temática traballada nas últimas semanas “Peppa Pig pumpkin party”, despois un corto de Pixar en castelán de humor “El coche nuevo de Mike” e por último “Samaín” canción en galego do disco “Brinca Vai”. Todos eles os podedes encontrar na plataforma Youtube.

Aquí abaixo vos deixamos unha montaxe con fotos do evento
Click to play this Smilebox slideshow
Create your own slideshow - Powered by Smilebox
Customize your own free slideshow design

xoves, 23 de xuño de 2016

NOVA BIBLIORRODÍS E FIN DE CURSO



 

Comentabamos ao inicio do curso que tivemos un apoio económico importante a través do programa PLAMBE levado pola Asesoría de Bibliotecas Escolares dependente da Consellería de Educación da Xunta. Este apoio, xunto co do Concello de Arteixo e o esforzo da comunidade, nos permitiu modificar a biblioteca escolar, Bibliorrodís, para conseguir un espazo bibliotecario diferenciado dunha aula ordinaria, con recursos axeitados e ao servizo de toda a escola. Isto nos permite dispoñer de recursos electrónicos modernos, mais fondos para a labor educativa diaria, para proxectos, empréstitos etc. Durante todo o curso estivemos barallando diversas  opcións  para conseguir empregar esa dotación da mellor forma posible e agora que remata estamos concluíndo a reforma.
 
 


Non queríamos que o alumnado que acaba etapa partira da escola sen ver os resultados, así que como peche de curso eliximos inaugurar a nova Bibliorrodís. Xuntámonos todos a escoller un conto e escoitalo xuntos. Da selección que fixeramos previamente os nenos e as nenas votaron “La Biblioteca Nocturna” de Kazuno Kohara. Logo vimos unha proxección do conto “El increíble niño comelibros” de Oliver Jeffers. Deixamos a continuación que tiveran un rato de lectura libre. Veredes nas fotos da montaxe o a gusto que se lles ve a todos pasando as follas dos contos no novo espazo.


Despois de iso saímos ao patio onde o mestre Juan tiña preparado un concerto coa axuda do seu pai, tamén Juan, que foi espectacular. Marabilloso remate de curso, con un chisquiño de mágoa polos nenos e nenas que se nos van. Afortunadamente tamén se deixaron ver algúns exalumnos e exalumnas o que sempre se agradece.

Bo verán a todos e todas!



Click to play this Smilebox slideshow
Create your own slideshow - Powered by Smilebox
Customize a free photo slideshow

LER EN VERÁN

Vos animamos a dedicar algún tempo do lecer veraniego a pasar as follas dalgún libro, a ler conxuntamente co voso neno ou nena, a inventar, a supoñer, a disfrutar de fermosas ilustracións... (a mellorar o vocabulario, a educar a mirada, a fomentar a lectura...). Vos deixamos algunhas ideas que vemos estes días nas librerías, dende as mais sinxelas (Cancodrilo na horta) ás mais complexas (¿De que color es un beso?). Escollimos tamén un libro con CD musical e un en inglés para os máis atrevidos.
Lembrade que as bibliotecas municipais están abertas en verán, que podedes pasar alí un rato ou ben levar libros en empréstito para velos en casa con calma.



luns, 20 de xuño de 2016

SEMANA DE TEATRO: A BAIUCA E CEIP DE GALÁN

Ás veces as cousas boas chegan xuntas. Esta semana tivemos dúas visitas de teatro ben queridas por nós.
O luns, da man do Concello, chegaron os maiores de A Baiuca a representar a historia do Peixe Arco Iris de Marcus Pfister e editado en castelán por Beascoa. Con fermosas ilustracións esta historia fala dun peixe cheo de escamas multicolores ,  egoísta e arrogante, que quere que os demais o admiren e ten que decidir entre seguir igual e ser ignorado ou cambiar de actitude para ter amigos. Deste libro xurdiron outros, varios dos cales temos na biblioteca.
Ás nenas e aos nenos da escola gustoulles moito a representación, que rematou con pompas de xabón. Despois cantamos as cancións musicadas de Manuel María e outras populares previamente ensaiadas.



BAIUCA 16 - Kizoa Editar Videos - Movie Maker


O mércores chegou un gran grupo de escolares de primaria do Ceip de Galán cos seus mestres, co noso estimado Armando ao frente. Non só nos gusta polo espectáculo, ademais levamos a grande alegría de voltar a ver algúns exalumnos e exalumnas, cariñosos, altos e sans. Trouxeron un programa moi completo: Os maiores (5º e 6º) representaron o tradicional conto "Cincenta", o grupo de 1º C cantou "A Roda", o grupo de 2ªA representou "Un lugar extraordinario" relato dun grupo de turistas e a canción "O Pirimpimpín". O evento foi presentado polas nosas estimadas exalumnas Soraya e Claudia. Ao final todo o noso alumnado cantoulles varias cancións. Grazas por vir!


xoves, 19 de maio de 2016

LETRAS GALEGAS 2016

Este ano dedícase o día das letras galegas ao poeta Manuel María. Dende a biblioteca fixemos unha exposición na entrada da escola cunha escolma de títulos de producción galega incluindo varios do homenaxeado. Nas últimas semanas nas aulas estivemos a traballar sobre o tema. Empregamos materiais elaborados polo Seminario Galán e varios libros que temos do poeta, moi axeitados para o noso alumnado. Agradecemos moito a Armando Herrero e os compañeiros do  CEIP  de Galán que compartan o seu estupendo traballo con nós.



Non nos resistimos a amosar aquí algúns dos fermosos retratos do poeta que realizaron na aula 5  e que colocaron na portada dos seus traballos.

O pasado venres organizamos unha xuntanza na aula de usos múltiples para celebrar o día das Letras, tal como veredes nesta montaxe.


Click to play this Smilebox slideshow
Create your own slideshow - Powered by Smilebox
Customize your own digital slideshow

venres, 22 de abril de 2016

DÍA DO LIBRO 2016



Hoxe celebramos o Día mundial do Libro cunhas actuacións dos nenos e as nenas da escola. Esta é unha actividade formativa dentro do noso plan anual de lectura. Forma parte das actividades encamiñadas ao desenvolvemento das capacidades do noso alumnado e intégrase principalmente na Área de Linguaxes: comunicación e representación do Currículo de Ed. Infantil.
O programa que preparamos foi o seguinte:
A aula de 3 anos narrou, cunha pequena dramatización e coa axuda da súa titora Isa,  o conto “Cocorico” de Marisa Núñez.
A aula de 4 anos representou o clásico “La ratita presumida
A aula de 5 anos representou o conto “Rosa Caramelo” de Adela Turin.
Os alumnos e as alumnas das aulas 4 e 5 cantaron con axuda de xestos as cancións “Put on you shoes! “ e “Head, shoulders, knees and toes”.
A continuación houbo un pequeno acto de remate de ciclo para os nenos e nenas do último curso.
Pechamos a festa cunha boa merenda.



O alumnado levou para casa un marcapáxinas e un díptico cun texto de Pedro Feijoo como agasallo para as bibliotecas escolares galegas e tamén outro marcapáxinas elaborado por eles no taller de Beti con moito amor.

sábado, 16 de abril de 2016

MONICREQUES EN BIBLIORRODÍS


O pasado luns tivemos a sorte de disfrutar en Bibliorrodís dun teatro de monicreques por cortesía do Programa de Atención á Poboación Migrante do Concello de Arteixo en colaboración coa ONG Ecos do Sur. Esta actividade programouse coas dinamizadoras do Concello Ana e Nora alá por outubro e segue estando, por desgraza, de suma actualidade. A obra, orixinal de Ecos do Sur, conta a historia dunha familia de dromedarios que ten que fuxir do seu fogar no deserto Sirio ao seren ameazados por unhas malvadas serpes e que finalmente chegan a Arteixo para ter unha vida en paz, sendo o pequeno da familia escolarizado na EEI de Vilarrodís. As nenas e os nenos lles gustou tanto que lles pareceu corta! Despois da representación pasamos a colorear unhas imaxes da familia protagonista.

  

domingo, 10 de abril de 2016

VISITA A BIBLIOTECA MUNICIPAL DE O FROXEL

A semana pasada asistimos á tradicional cita coa Biblioteca Municipal do Froxel, invitados pola rede de Bibliotecas Municipais de Arteixo. Asistimos en dúas quendas:  O grupo de 5 anos primeiro e os grupos de 4 e 3 xuntos á  volta.
Este ano agardábanos Pizpireta para contarnos 3 historias nas que fixo participar a nenas e nenos. A primeira historia tiña como protagonistas ao pintor Joan Miró e unhas manchas de cores. No seguinte relato o monstro Comemedo alimentábase dos medos dos demais para medrar. A derradeira historia nos levou de viaxe cunha tribo india que precisaba chuvia.
Os nenos e as nenas estiveron moi atentos, participativos e divertíronse moito.
Na presentación veredes fotos do primeiro turno. No blog dos Pequechos e no blog dos Pequevilochos podedes ver fotos do segundo turno. 

sábado, 2 de abril de 2016

ÍMOS AO TEATRO


O 27 de marzo é o Día Internacional do Teatro, así que dende a escola programamos nunha data próxima unha visita ao "Teatro del Andamio" situado no barrio dos Rosales na Coruña. Como escola é unha saída que xa fixemos noutros cursos e que nunca defrauda. O teatro do Andamio está especializado no público infantil e ten programación durante todo o ano para asistir ós seus espectáculos coa escola ou en familia por un módico prezo. Onte asistimos á representación da obra "Caperucita no desván". O espectáculo, que durou uns 50 minutos, amosou unha versión do popular conto dende o punto de vista do “teatro dentro do teatro” moi ben preparada para nenos e nenas pequenos, pero tamén para non aburrir aos maiores. Debemos dicir que nos “encheu de orgullo e satisfacción” a sincera felicitación que os compoñentes da compañía teatral lle fixeron ás nenas e ós nenos polo seu excelente comportamento: atentos, rindo e participando cando tocaba e gardando silencio no resto da representación. Marabillosa experiencia.